|
13.08.26
ՏԵՂԱՏԱՐԱՓ ԱՆՁՐԵՎՆԵՐԻ ՀԵՏԵՎԱՆՔՆԵՐԻ ՎԵՐԱՑՄԱՆ ԱՇԽԱՏԱՆՔՆԵՐ
|
|
Օգոստոսի 9-ից 12-ը տեղացած տեղատարափ անձրևների հետևանքով Եղեգիս համայնքի որոշ բնակավայրերում գոյացել են սելավներ։ Սելավային զանգվածը փակել էր դեպի Հերմոն տանող ասֆալտապատ ճանապարհը, ինչպես նաև դեպի Արատես տանող ճանապարհը։Վնասվել են նաև Հերմոն, Գողթանիկ և Քարագլուխ բնակավայրերի գյուղամիջյան գրունտապատ ճանապարհները։ Եղեգիս համայնքի ղեկավար Արթուր Ստեփանյանի ղեկավարությամբ՝ Եղեգիս ՀՈԱԿ-ը օպերատիվորեն արձագանքել է առաջացած խնդիրներին, և կատարվում են վերականգնողական աշխատանքներ։
|
|
|
13.08.26
ՔԱՐԱԳԼՈՒԽ ԲՆԱԿԱՎԱՅՐՈՒՄ ԱՆՁՐԵՎԻ ՀԵՏԵՎԱՆՔՆԵՐԻ ՎԵՐԱՑՈՒՄ
|
|
Օգոստոսի 12-ին Եղեգիս համայնքի ղեկավար Արթուր Ստեփանյանի ղեկավարությամբ և ՀՈԱԿ տնտեսության ուժերով Քարագլուխ բնակավայրում կատարվեցին վերականգնողական և կանխարգելիչ աշխատանքներ։Շեբենապատվեց գյուղամիջից գերեզմանատուն տանող ճանապարհահատվածը, որը խիստ վնասվել էր նախօրեին տեղացած տեղատարափ անձրևներից։ Անձրևների հետևանքով առաջացած սողանքից վնասվել էր բնակիչ Հ. Դավթյանի անասնագոմի հարակից շինությունը։ ՀՈԱԿ տեխնիկայի ուժերով բեռնվեց ու հեռացվեց կավանման զանգվածը, միևնույն ժամանակ մասամբ վերանորոգվեց դեպի «Շափա» տանող ճանապարհահատվածը, որը նույնպես վնասվել էր անձրևներից առաջացած սելավներից։ Կատարվեց նաև ոռոգման առվից ջրային արտահոսքը կանխարգելող միջոցառումներ։
|
|
|
12.08.26
ԵՂԵԳԻՍ ՀԱՄԱՅՆՔԻ ՂԵԿԱՎԱՐ ԱՐԹՈՒՐ ՍՏԵՓԱՆՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԵՐԻՏԱՍԱՐԴՈՒԹՅԱՆ ՄԻՋԱԶԳԱՅԻՆ ՕՐՎԱ ԿԱՊԱԿՑՈՒԹՅԱՄԲ
|
|
Սիրելի՛ երիտասարդներ, Սրտանց շնորհավորում եմ ձեզ Երիտասարդության միջազգային օրվա առթիվ։ Երիտասարդությունը մեր համայնքի ամենաակտիվ, ստեղծագործ և նոր գաղափարներով լի ուժն է։ Ձեր նախաձեռնողականությունը, գիտելիքը, եռանդն ու նորարար մտածողությունը կարևոր դեր ունեն մեր համայնքի ներկայի և ապագայի կերտման գործում։ Մաղթում եմ, որ միշտ հավատաք ձեր ուժերին, համարձակորեն առաջ շարժվեք դեպի ձեր նպատակները, ձեռք բերեք նոր գիտելիքներ ու փորձ և ձեր գաղափարներով ու նախաձեռնություններով շարունակեք նպաստել մեր համայնքի զարգացմանը։ Թող ձեր ճանապարհը լինի լի նոր հնարավորություններով, հաջողություններով, ձեռքբերումներով և հիշարժան պահերով։ Շնորհավոր Երիտասարդության օրը։ Հարգանքով՝
Արթուր Ստեփանյան
Եղեգիս համայնքի ղեկավար
|
|
|
07.08.26
12․08․2026 ԹՎԱԿԱՆԻՆ ԿԱՅԱՆԱԼԻՔ ԵՂԵԳԻՍ ՀԱՄԱՅՆՔԻ ԱՎԱԳԱՆՈՒ ԱՐՏԱՀԵՐԹ` ՉՈՐՐՈՐԴ ՆԻՍՏԻ ՄԱՍԻՆ
|
|
Եղեգիս համայնքի հարգելի՛ բնակիչներ, Տեղեկացնում ենք ձեզ, որ 2026 թվականի օգոստոսի 12-ին, ժամը 17։00-ին Եղեգիսի համայնքապետարանի շենքում՝ համայնքի ղեկավարի աշխատասենյակում, տեղի կունենա Եղեգիս համայնքի ավագանու արտահերթ՝ չորրորդ նիստը․ Օրակարգային հարցերին կարող եք ծանոթանալ՝ այստեղ:
|
|
|
04.08.26
ՇԱՏԻՆ ԲՆԱԿԱՎԱՅՐՈՒՄ ՇԱՐՈՒՆԱԿՎՈՒՄ ԵՆ ԽՄԵԼՈՒ ՋՐԻ ԵՎ ՈՌՈԳՄԱՆ ՑԱՆՑԻ ԲԱՐԵԼԱՎՄԱՆ ԱՇԽԱՏԱՆՔՆԵՐԸ
|
Եղեգիս համայնքի ղեկավար Արթուր Ստեփանյանի ղեկավարությամբ և համայնքային տնտեսություն ՀՈԱԿ֊ ի տեխնիկայի ներգրավմամբ Շատին բնակավայրի Փողոց 1 ճանապարհահատվածում իրականացվում են խմելու ջրի հին ցանցի փոխարինման աշխատանքներ՝ այն փոխարինելով նոր ջրագծով։ Միաժամանակ նույն հատվածում կատարվում են նաև ոռոգման ցանցի վերականգնման աշխատանքներ՝ այն վերադարձնելով նախկին աշխատանքային վիճակին և կանխելով ջրի արտահոսքը դեպի ասֆալտապատ ճանապարհահատված։ Իրականացվող աշխատանքները նպատակ ունեն բարելավել բնակավայրի ենթակառուցվածքները, ապահովել խմելու ջրի համակարգի հուսալի և անխափան աշխատանքը, վերականգնել ոռոգման ցանցի բնականոն շահագործումը, ինչպես նաև կանխել ճանապարհային ծածկի վնասումը։ |
|
|
01.08.26
24.07.2026 ՎԱՐԴԱՀՈՎԻՏ ԲՆԱԿԱՎԱՅՐԻ ՃԱՆԱՊԱՐՀՆԵՐԻ ԲԱՐԵԿԱՐԳՈՒՄ
|
|
Եղեգիս համայնքի ղեկավար Արթուր Ստեփանյանի ղեկավարությամբ և ՀՈԱԿ-ի տնտեսության տեխնիկայի ներգրավմամբ իրականացվել են ճանապարհների բարեկարգման աշխատանքներ Վարդահովիտ բնակավայրի վարչական տարածքում՝ դեպի Սևաժայռ, Գետիկ վանք տեղամաս և Յայլաղներ տանող հանդամիջյան ճանապարհներին։Կատարված աշխատանքների նպատակն է ապահովել ճանապարհների անցանելիությունը և բարելավել դեպի հանդամասեր ու արոտավայրեր տեղաշարժը։
|
|
|
31.07.26
04․08․2026 ԹՎԱԿԱՆԻՆ ԿԱՅԱՆԱԼԻՔ ԵՂԵԳԻՍ ՀԱՄԱՅՆՔԻ ԱՎԱԳԱՆՈՒ ԱՐՏԱՀԵՐԹ` ՉՈՐՐՈՐԴ ՆԻՍՏԻ ՄԱՍԻՆ
|
|
Եղեգիս համայնքի հարգելի՛ բնակիչներ, Տեղեկացնում ենք ձեզ, որ 2026 թվականի օգոստոսի 4-ին, ժամը 11։00-ին Եղեգիսի համայնքապետարանի շենքում՝ համայնքի ղեկավարի աշխատասենյակում, տեղի կունենա Եղեգիս համայնքի ավագանու արտահերթ՝ չորրորդ նիստը․ Օրակարգային հարցերին կարող եք ծանոթանալ՝ այստեղ
|
|
| 1 2 3 4 5 6 7 8 9 10 ... |