Զբոսաշրջության և տարածաշրջանային ենթակառուցվածքների ծրագրի (TRIP) շրջանակում համայնքում ձևավորվում է Տեղական աշխատանքային խումբ (ՏԱԽ)՝ տեղական մակարդակում ենթածրագրերի արդյունավետ իրականացմանն աջակցելու, շահագրգիռ կողմերի ներգրավվածությունն ապահովելու, տեղեկատվության փոխանակումը խթանելու և առաջացող խնդիրների լուծմանը նպաստելու նպատակով։

ՏԱԽ անդամ դառնալու նպատակով համայնքապետարանը հրավիրում է հետաքրքրված և համապատասխան որակավորում ունեցող անձանց ներկայացնել հայտադիմում։

1. Իրավասություն

Հայտադիմում կարող են ներկայացնել հետևյալ խմբերի ներկայացուցիչները․

• համայնքի վարչակազմի ներկայացուցիչներ,

• հանրային հատվածի հաստատությունների ներկայացուցիչներ,

• մասնավոր հատվածի ներկայացուցիչներ (ցանկալի է՝ զբոսաշրջության ոլորտից),

• շահառու խմբերի ներկայացուցիչներ և բնակիչներ,

• ՀՈԱԿ-ների և ՀԿ-ների ներկայացուցիչներ,

• համապատասխան փորձ և համայնքային զարգացմանն աջակցելու պատրաստակամություն ունեցող այլ անձիք։

2. Ընտրության չափանիշներ

Դիմումները կգնահատվեն հետևյալ չափանիշներով․

·         մասնագիտական փորձ և համապատասխան գիտելիքներ,

·         շահագրգիռ խմբերի ներկայացվածություն

·         համայնքի զարգացման գործընթացներում հետաքրքրվածություն և ակտիվ ներգրավվածություն,

·         գենդերային հավասարության ապահովում (առնվազն 30% կանանց մասնակցություն)։

3․Դիմումների ներկայացման կարգ

·         Հետաքրքրված անձինք պետք է լրացնեն ՏԱԽ անդամակցության հայտադիմումը և ներկայացնեն համայնքապետարան։

4. Դիմումների ընդունման վերջնաժամկետ

Դիմումների ներկայացման վերջնաժամկետ է սահմանվում հունիսի 10-ը։

Կցվում է նաև հայտադիմումը: