Հայաստանի Հանրապետության Վայոց Ձորի մարզի Եղեգիս համայնքի Թառաթումբ գյուղի վարչական ղեկավարի նստավայրի գրադարանում է գտնվում Եղեգիս համայնքի սեփականություն հանդիսացող  5373 հատ գիրք և գրքերի   39 հատ  մետաղից գրադարակներ: Թառաթումբի գրադարանը տարիներ շարունակ գրադարանավար չի ունեցել, հնարավոր չի եղել գրքերը տրամադրել ընթերցասեր բնակչությանը և դպրոցական երեխաներին, ինչն աշխարհընկալման և գիտելիքների ձեռք բերման դերում բացասական  է անդրադառնում:

     Ելնելով վերոգրյալից, ղեկավարվելով ՀՀ քաղաքացիական օրենսգրքի 685-րդ հոդվածի պահանջներով,  «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 21-րդ կետով,

  ավագանին որոշում է՝

      1.Հայաստանի Հանրապետության Վայոց Ձորի մարզի Եղեգիս համայնքի Թառաթումբ գյուղի վարչական ղեկավարի նստավայրի գրադարանում  գտնվող, Եղեգիս համայնքի սեփականություն հանդիսացող  5373 հատ գրքերը և գրքերի   39 հատ  մետաղից գրադարակներն անհատույց, անորոշ ժամկետով օգտագործման հանձնել Եղեգիս համայնքի «Վայոց ձորի մարզի Թառաթումբի միջնակարգ դպրոց պետական հանրակրթական ուսումնական հաստատություն» ՊՈԱԿ-ին:

    2.Սույն որոշման պահանջները կատարել որոշումն ուժի մեջ մտնելուց հետո մեկ ամսվա ընթացքում և  որոշման պահանջների կատարումը հանձնարարել Եղեգիս համայնքի ղեկավարի 1-ին տեղակալին և Եղեգիս համայնքի Թառաթումբ գյուղի վարչական ղեկավարին:

    3.Որոշման գործողությունը տարածվում է մինչև, անհրաժեշտության դեպքում, համայնքի ղեկավարի պահանջով գրքերը գրադարանին վերադարձնելը:

     4.Սույն որոշումն ուժի մեջ  է մտնում ընդունման պահից։