Հաշվի առնելով, որ համայնք Եղեգիս, գյուղ Հորս 7-րդ փողոց 17 հասցեում գտնվող քաղաքացի Արուս Գոռի Ծատուրյանի սեփականության իրավունքով պատկանող հողամասում (կադաստրային ծածկագիր՝ 10-031-0007-0054) կառուցված ինքնակամ կառույցի պահպանումը չի խախտում այլ անձանց իրավունքներն ու օրենքով պահպանվող շահերը, վտանգ չի սպառնում քաղաքացիների կյանքին և առողջությանը, նկատի ունենալով, որ ինքնակամ կառույցը կառուցված չէ Հայաստանի Հանրապետության Հողային օրենսգրքի 60-րդ հոդվածով նախատեսված հողամասերի վրա, ինժեներատրանսպորտային օբյեկտների օտարման ու անվտանգության գոտիներում և քաղաքաշինական նորմերի ու կանոնների էական խախտումներով, չի առաջացնում հարկադիր սերվիտուտ պահանջելու իրավունք, ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետի պահանջներով, հիմք ընդունելով Հայաստանի Հանրապետության կառավարության 18.05.2006թ.-ի թիվ 912-Ն որոշման 2-րդ գլխի 13-րդ կետի ա) և բ) ենթակետերի, և 18-րդ կետի ա) ենթակետի դրույթները
Ո Ր Ո Շ ՈՒ Մ Ե Մ
1․Եղեգիս համայնքի գյուղ Հորս 7-րդ փողոց 17 հասցեում գտնվող քաղաքացի Արուս Գոռի Ծատուրյանի սեփականության իրավունքով պատկանող հողամում (կադաստրային ծածկագիր՝ 10-031-0007-0054, մակերեսը 0,2308 հա) առկա 134,4ք/մ ընդհանուր մակերեսով ինքնակամ կառույցը ճանաչել օրինական և բնակելի տան նկատմամբ սեփականատիրոջ սեփականության իրավունքը (կցվում է անշարժ գույքի հատակագիծը)։
2․Ինքնակամ կառույցն օրենքով սահմանված կարգով հաշվառված է ՀՀ կադաստրի կոմիտեի էլեկտրոնային բազայում: Չափագրման տվյալների մուտքագրման ծածկագիրն է՝ 2022GOP7QV:
3․Օրինականացման համար սահմանված վճարը 134.4ք/մ մակերեսով շինության համար ընդհանուր գումարը կազմում է 68108,448 ՀՀ դրամ, որից բնակելի տան համար 62213,52 ՀՀ դրամ և ծածկի համար 5894,928 ՀՀ դրամ։ Ընդհանուր գումարը պետք է մուծվի 900 355 124 109 հաշվեհամարին:
4.Սույն որոշման ընդունման օրվանից օրինականացման համար սահմանված վճարի՝ 60-օրյա ժամկետում չվճարման դեպքում որոշումը համարվում է ուժը կորցրած։