Ղեկավարվելով «Տեղական ինքնակառավարման մասին»Հայաստանի Հանրապետության օրենքի 13-րդ հոդվածի 10-րդ և 11-րդ մասերի պահանջներով

 ԱՎԱԳԱՆԻՆ ՈՐՈՇՈՒՄ Է

1․ Ընդունել Հայաստանի Հանրապետության Տարածքային կառավարման և ենթակառուցվածքների նախարար պարոն Գնել Սանոսյանին և ՀՀ Քաղաքաշինության կոմիտեի նախագահ պարոն Եղիազար Վարդանյանին ուղղված ուղերձ՝ համաձայն հավելվածի։

2․Սույն որոշումն ուժի մեջ է մտնում հրապարակմանը հաջորդող օրվանից։

Հավելված

ՀՀ Վայոց ձորի մարզի Եղեգիս  համայնքի

ավագանու 2024 թվականի հուլիսի 18-ի

                                                                          թիվ  91Ա     որոշման

ՀՀ Տարածքային կառավարման և ենթակառուցվածքների նախարար պարոն Գնել Սանոսյանին

                                           ՀՀ Քաղաքաշինության կոմիտեի նախագահ պարոն Եղիազար Վարդանյանին

ՈՒՂԵՐՁ

ՀՀ Վայոց ձորի մարզի Եղեգիս համայնքի Շատին գյուղում    պատվիրատու ՀՀ  քաղաքաշինության կոմիտեի և  նախագծող  «ՆՈՐԱՇԵՆ» ՆՏ ԱԿ-ի միջև  13/08/2021թ․-ին կնքված ՀՀՔԿ-ՀՄԱԽԾՁԲ-21/3 ծածկագրով պայմանագրի հիման վրա   հաստատված նախագծանախահաշվային փաստաթղթերով /դիմում – հայտ (Ձև N2-1), ճարտարապետահատակագծային առաջադրանք, ՀՀ քաղաքաշինության կոմիտեի նախագահի 2022 թվականի օգոստոսի 2-ի N49-Ա հրամանով ստեղծված պետական համալիր փորձաքննական հանձնաժողովի N 308 եզրակացություն, 2023 թվականի նոյեմբերի 6-ի N 160-23 պարզ փորձաքննության եզրակացություն , հողահատկացման վերաբերյալ ՀՀ Վայոց ձորի մարզի Եղեգիս համայնքի կողմից տրված վկայականի պատճեններ,  ՀՀ Վայոց ձորի մարզի Եղեգիս համայնքի 22․12․2022թ․ N 35 նախագծման թույլտվություն/  նախատեսված է կառուցել    250  տեղ հզորությամբ մոդուլային տիպի մսուր-մանկապարտեզ, սակայն, առ այսօր, մեզ անհայտ պատճառներով, կառուցապատման աշխատանքները դեռ չեն մեկնարկել։

Սույն ուղերձը հղում ենք Ձեզ՝  մեզ  և Եղեգիս համայնքի բնակչությանը խիստ մտահոգող, հանրային շահ ներկայացնող, համայնքի զարգացման վրա բացասաբար անդրադարձող կարևորագույն խնդրի վերաբերյալ սեղմ ժամկետներում տեղեկատվություն  ստանալու և Ձեր միջամտությամբ ու աջակցությամբ մանկապարտեզի շինարարության աշխատանքներին հնարավորինս շուտ ընթացք տալու ակնկալիքով։

Կանխավ շնորհակալություն