ՆԱԽԱԳԻԾ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, 36-րդ հոդվածի 1-ին մասի 1-ին ենթակետով և 48-րդ հոդվածով, Հայաստանի Հանրապետության կառավարության 2018 թվականի դեկտեմբերի 6-ի «Հայաստանի Հանրապետության պաշտպանության նախարարության համակարգի և Հայաստանի Հանրապետության ազգային անվտանգության ծառայության սահմանապահ զորքերի ու հատուկ ստորաբաժանումների` ֆունկցիոնալության խորը կամ ծանր աստիճանի սահմանափակումով հաշմանդամության զինվորական կենսաթոշակ ստանալու իրավունք ունեցող նախկին զինծառայողների և զոհված (մահացած) զինծառայողների ընտանիքների բնակարանային ապահովության կարգը և չափերը սահմանելու մասին» թիվ 1419-Ն որոշմամբ սահմանված կարգով, հիմք ընդունելով Եղեգիս համայնքի բնակարանային հարցերի հանձնաժողովի 2026 թվականի օգոստոսի 20-ի արձանագրությունը և Հասմիկ Արմենակի Մելքոնյանի 24/07/2026թ․ գրավոր դիմումը (մտից 1547)

ՈՐՈՇՈՒՄ ԵՄ

 1․Եղեգիս համայնքի Աղնջաձոր գյուղի նախին բնակիչ, զոհված զինծառայող Դավիթ Սևակ Գրիգորյանի ընտանիքին՝ Հասմիկ Արմենակի Մելքոնյանին (զոհվածի կինը), Սևակ Դավիթ Գրիգորյանին (զոհվածի որդին)  ճանաչել բնակարանի կարիքավոր և վերցնել բնակարանային պայմանների բարելավման հաշվառման` հիմք ընդունելով հետևյալ հանգամանքները.

  1)Կապիտան Դավիթ Սևակ Գրիգորյանը զոհվել է 11-ը հոկտեմբերի 2020 թվականին հակառակորդի նախահարձակ գործողության հետևանքով (ՀՀ ՊՆ Հանրապետական զինվորական կոմիսարիատի Վայոց ձորի մարզի զինվորական կոմիսարիատ, զինվորական կոմիսար փոխգնդապետ Գ․ Գրիգորյանի կողմից 23/07/2026թ․-ին տրամադրված N 593/ԶՀԲ տեղեկանք)։

  2)Ներկա պահին Դավիթ Սևակ Գրիգորյանի կնոջ՝ Հասմիկ Արմենակի Մելքոնյանի, որդու՝ Սևակ Դավիթ Գրիգորյանի անվամբ Հայաստանի Հանրապետության տարածքում որևէ անշարժ գույքի նկատմամբ սեփականության իրավունքի պետական գրանցում կատարված չէ (հիմք՝ ՀՀ Կադաստրի կոմիտեի 08/04/2026թ. N ԱՏ-08042026-99-0579 տեղեկանքը): 

2․Հայաստանի Հանրապետության կառավարության 2018 թվականի դեկտեմբերի 6-ի թիվ 1419-Ն որոշմամբ հաստատված կարգի 11-րդ կետով նախատեսված անհրաժեշտ տեղեկատվությունը սահմանված կարգով և ժամկետներում, ուղարկել համապատասխան մարմիններին։

3․Համաձայն Հայաստանի Հանրապետության Կառավարության 2018 թվականի դեկտեմբերի 6-ի N1419-Ն որոշման 15-րդ կետի սահմանված կարգով և ժամկետներում` բնակարանային պայմանների բարելավման ենթակա շահառուների ամփոփ ցուցակներն ուղարկել Հայաստանի Հանրապետության Վայոց Ձորի մարզպետի աշխատակազմ։

4.Սույն որոշումն ուժի մեջ է մտնում ընդունմանը հաջորդող օրվանից:

5․ Սույն որոշումը կարող է վարչական կարգով բողոքարկվել Եղեգիս համայնքի ղեկավարին կամ դատական կարգով Հայաստանի Հանրապետության վարչական դատարան՝ դրա ուժի մեջ մտնելու օրվանից երկամսյա ժամկետում։