Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, 36-րդ հոդվածի 1-ին մասի 1)-ին ենթակետով և 48-րդ հոդվածով, Հայաստանի Հանրապետության կառավարության 2018 թվականի դեկտեմբերի 6-ի «Հայաստանի Հանրապետության պաշտպանության նախարարության համակարգի և Հայաստանի Հանրապետության ազգային անվտանգության ծառայության սահմանապահ զորքերի ու հատուկ ստորաբաժանումների` ֆունկցիոնալության խորը կամ ծանր աստիճանի սահմանափակումով հաշմանդամության զինվորական կենսաթոշակ ստանալու իրավունք ունեցող նախկին զինծառայողների և զոհված (մահացած) զինծառայողների ընտանիքների բնակարանային ապահովության կարգը և չափերը սահմանելու մասին» թիվ 1419-Ն որոշմամբ սահմանված կարգով, հիմք ընդունելով Եղեգիս համայնքի բնակարանային հարցերի հանձնաժողովի 2025 թվականի դեկտեմբերի 29-ի  արձանագրությունը և Հասմիկ Ալեքսանի Առուշանյանի 12/12/2025թ․ գրավոր դիմումը (մտից 2052)

ՈՐՈՇՈՒՄ ԵՄ

 1․Եղեգիս համայնքի Քարագլուխ գյուղի նախին բնակիչ, զոհված զինծառայող Խաչիկ Էդվարդ Մինասյանի ընտանիքին՝ Հասմիկ Ալեքսանի Առուշանյանին (զոհվածի կինը), Ոսկի Խաչիկ Մինասյանին (զոհվածի դուստրը), Վիկտորյա Խաչիկ Մինասյանին (զոհվածի դուստրը)  ճանաչել բնակարանի կարիքավոր և վերցնել բնակարանային պայմանների բարելավման հաշվառման` հիմք ընդունելով հետևյալ հանգամանքները.

  1)Խաչիկ Էդվարդ Մինասյանը զոհվել է հակառակորդի նախահարձակ գործողության հետևանքով (ՀՀ ՊՆ ԶՍՊ վարչության պետ Ա․ Ավետիսյանի կողմից 12/10/2022թ․-ին տրամադրված N 36/2618 տեղեկանք)։

  2)Ներկա պահին Խաչիկ Էդվարդ Մինասյանի կնոջ՝ Հասմիկ Ալեքսանի Առուշանյանի, դստեր՝ Ոսկի Խաչիկ Մինասյանի, դստեր՝ Վիկտորյա Խաչիկ Մինասյանի անվամբ Հայաստանի Հանրապետության տարածքում որևէ անշարժ գույքի նկատմամբ սեփականության իրավունքի պետական գրանցում կատարված չէ (հիմք՝ ՀՀ Կադաստրի կոմիտեի 17/09/2025թ. N ԱՏ-17092025-99-223 տեղեկանքը): 

2․Հայաստանի Հանրապետության կառավարության 2018 թվականի դեկտեմբերի 6-ի թիվ 1419-Ն որոշմամբ հաստատված կարգի 11-րդ կետով նախատեսված անհրաժեշտ տեղեկատվությունը սահմանված կարգով և ժամկետներում, ուղարկել համապատասխան մարմիններին։

3․Համաձայն Հայաստանի Հանրապետության Կառավարության 2018 թվականի դեկտեմբերի 6-ի N1419-Ն որոշման 15-րդ կետի սահմանված կարգով և ժամկետներում` բնակարանային պայմանների բարելավման ենթակա շահառուների ամփոփ ցուցակներն ուղարկել Հայաստանի Հանրապետության Վայոց Ձորի մարզպետի աշխատակազմ։

4.Սույն որոշումն ուժի մեջ է մտնում ընդունմանը հաջորդող օրվանից:

5․ Սույն որոշումը կարող է վարչական կարգով բողոքարկվել Եղեգիս համայնքի ղեկավարին կամ դատական կարգով Հայաստանի Հանրապետության վարչական դատարան՝ դրա ուժի մեջ մտնելու օրվանից երկամսյա ժամկետում։