Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետի պահանջներով
ԱՎԱԳԱՆԻՆ ՈՐՈՇՈՒՄ Է
1․Տալ համաձայնություն «Վայրի բնության և մշակութային արժեքների պահպանման հիմնադրամ»-ի հետ համագործակցելուն, ըստ որի․
«Վայրի բնության և մշակութային արժեքների պահպանման հիմնադրամ»-ի կողմից համայնքում կառուցվի 150ԿՎտ հզորությամբ նոր արևային կայան՝ համայնքի կարիքների համար։
Հիմնադրամի գործող և ապագայում ավելացող անհատույց օգտագործման հողատարածքների անշարժ գույքի հարկը և վարձավճարները համայնքը հաշվանցի արևային կայանից ստացվող եկամուտներից։
Նախկինում հաշվարկված անշարժ գույքի հարկի պարտքերը և դրանց նկատմամբ հաշվարկված տույժերի մի մասը արտոնվեն՝ չգերազանցելով 2025թ․ հարկային տարվա համար անշարժ գույքի հարկի գծով համայնքի բյուջեի հաստատված եկամուտների տասը տոկոսը, իսկ գոյացած անշարժ գույքի հարկի և դրա նկատմամբ հաշվարկված տույժերի մնացած մասը ՝ ամբողջությամբ, համայնքը հաշվանցի արևային կայանից ստացվող եկամուտներից։