Ղեկավարվելով Հայաստանի Հանրապետության Հողային օրենսգրքի 3-րդ հոդվածով, հիմք ընդունելով Հայաստանի Հանրապետության Կառավարության 2011թ. դեկտեմբերի 29-ի <<Հողերի օգտագործման ժամանակավոր սխեմաներ կազմելու կարգը հաստատելու մասին և Հայաստանի Հանրապետության Կառավարության 2001 թվականի հունվարի 17-ի թիվ 30 որոշումն ուժը կորցրած ճանաչելու մասին>> թիվ 1918-Ն որոշումն և հաշվի առնելով Եղեգիս համայնքի ղեկավարի առաջարկությունը
ավագանին որոշում է՝ 1.Հավանություն տալ Հայաստանի Հանրապետության Վայոց ձոր մարզի Եղեգիս համայնքի Հորս բնակավայրի հողերի օգտագործման ժամանակավոր սխեմայում նախատեսվող փոփոխությանը, ըստ որի նախատեսվում է՝ Հորս բնակավայրի վարչական սահմաններում գտնվող <<ԳՆԴԱՍԱՐ ԷՆԵՐԳՈ>> ՍՊԸ-ի սեփականություն հանդիսացող գյուղատնտեսական նշանակության 0,12հա հողամասը /արոտավայր հողատեսք, կադաստրային ծածկագիր՝ 10-031-0117-0003, մակերեսը՝ 0,1հա և այլ հողատեսք, կադաստրային ծածկագիր՝ 10-031-0103-0024, մակերեսը՝ 0,02հա/ փոխադրել էներգետիկայի, կապի, տրանսպորտի, կոմունալ ենթակառուցվածքների օբյեկտների հողեր նպատակային նշանակության, գործառնական նշանակությունը էներգետիկայի՝ փոքր հիդրոէլեկտրակայանի շենքի, օժանդակ կառույցների և կարգավորիչ ավազանների կառուցման համար:
2.Համայնքի ղեկավարին՝ կազմել և հողերի օգտագործման ժամանակավոր սխեմաների համաձայնեցման միջգերատեսչական հանձնաժողովի համաձայնեցմանը ներկայացնել համապատասխան հողաշինական գործը: |