ՆԱԽԱԳԻԾ

   Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետի, 43-րդ հոդվածի 1-ին մասի 3-րդ կետի, Հայաստանի Հանրապետության «Հողային օրենսգրքի» 48-րդ, 76-րդ հոդվածների պահանջներով, հիմք ընդունելով Եղեգիս համայնքի ավագանու  19/12/2019թ. N 82Ա որոշումը», Եղեգիս համայնքի մրցութային հանձնաժողովի 20/03/2020թ. թիվ 1 արձանագրությունը 

որոշում եմ՝

   1.Հաստատել 2020 թվականի մարտի 20-ին կայացած համայնքային սեփականություն համարվող, Եղեգիս համայնքի Վարդահովիտ բնակավայրի վարչական սահմաններում գտնվող  գյուղատնտեսական նշանակության վարելահող հողատեսքի /կադաստրային ծածկագիր՝ 10-041-0201- , մակերեսը՝ 1,75հա/ վարձակալության իրավունքի տրամադրման մրցույթի հետևյալ արդյունքները՝

·  Մրցույթում հաղթող ճանաչել Շատին համայնքի բնակիչ Ավետիք Սարիբեկի Հովակիմյանին,

· Վարձակալության իրավունքի ժամկետը՝ հինգ տարի,

· Վարձակալության իրավունքի տրամադրման տարեկան վարձավճարի չափը՝  11 550 (տասնմեկ հազար հինգ հարյուր հիսուն) ՀՀ դրամ,

· Վարձակալության իրավունքի տրամադրման նպատակը՝ գյուղատնտեսական գործունեություն ծավալելու համար:

  2.Սահմանել, որ սույն որոշման 1-ին կետում նշված հողամասի տարածքում վարձակալի կողմից կատարված անբաժանելի ներդրումները և բարելավումները համարվում են համայնքային սեփականությունը և հողամասի տարածքի մաքրման, կանաչապատման և բարեկարգման պարտավորությունը կրում է վարձակալը:

  3.Ա. Հովակիմյանի հետ օրենքով սահմանված կարգով կնքել սույն որոշման առաջին կետում նշված հողամասերի վարձակալության իրավունքի տրամադրման պայմանագիր:  

  4.Սույն որոշումն ուժի մեջ է մտնում ընդունմանը հաջորդող օրվանից: