Ղեկավարվելով <<Տեղական ինքնակառավարման մասին>> ՀՀ օրենքի 18-րդ հոդվածի 1-ին մասի 7-րդ և 42-րդ կետերով , Հայաստանի Հանրապետության Հարկային օրենսգրքի 230-րդ հոդվածի 3-րդ մասով, 245-րդ հոդվածի 2-րդ մասով
ավագանին որոշում է
1․Սահմանել, որ ․
1) Եղեգիս համայնքում Եղեգիս համայնքի բնակիչների անշարժ գույքի հարկի և փոխադրամիջոցների գույքահարկի գծով կիրառվում են արտոնություններ՝ անշարժ գույքի համար տարեկան ոչ ավել քան 35000(երեսունհինգ հազար)ՀՀ դրամի, փոխադրամիջոցների գույքահարկի համար տարեկան ոչ ավել քան 55000(հիսունհինգ հազար)ՀՀ դրամի կիրառմամբ, եթե վճարողները հանդիսանում են ՝
ա․Հայաստանի Հանրապետության պաշտպանության ժամանակ 2016 թվականի քառօրյա պատերազմի կամ 2020 թվականի 44-օրյա պատերազմի զոհված (մահացած)զինծառայողների (նրանց հավասարեցված անձանց) ընտանիքների անդամներ,
2)Եղեգիս համայնքում Եղեգիս համայնքի բնակիչների անշարժ գույքի հարկի և փոխադրամիջոցների գույքահարկի գծով կիրառվում են արտոնություններ՝ անշարժ գույքի համար տարեկան ոչ ավել քան 25000 /քսանհինգ հազար/ ՀՀ դրամի, փոխադրամիջոցների գույքահարկի համար տարեկան ոչ ավել քան 35000(երեսունհինգ հազար) ՀՀ դրամի կիրառմամբ, եթե վճարողները հանդիսանում են՝
ա․2016 թվականի քառօրյա պատերազմի մասնակից և/կամ մասնակիցների ընտանիքների անդամներ,
բ․2020 թվականի 44-օրյա պատերազմի մասնակից և/կամ մասնակիցների ընտանիքների անդամներ։
3)Եղեգիս համայնքում Եղեգիս համայնքի բնակիչների անշարժ գույքի հարկի և փոխադրամիջոցների գույքահարկի գծով կիրառվում են արտոնություններ՝ անշարժ գույքի համար տարեկան ոչ ավել քան 20000(քսան հազար) ՀՀ դրամի, փոխադրամիջոցների գույքահարկի համար տարեկան ոչ ավել քան 25000(քսանհինգ հազար) ՀՀ դրամի կիրառմամբ, եթե վճարողները հանդիսանում են՝
ա․Գիշատիչ կենդանիների հարձակումների հետևանքով տուժած և/կամ տարերային աղետների հետևանքով տուժած և/կամ տուժած բնակիչների ընտանիքների անդամներ,
2․Սույն որոշմամբ նախատեսված արտոնությունների կիրառման համար հիմք են հանդիսանում հետևյալ փաստաթղթերը՝
Վճարողի կամ ընտանիքի անդամի դիմումը, անձը հաստատող փաստաթղթի պատճենը, սեփականության վկայականի պատճենը, համապատասխան շահառուի 2016 թվականի քառօրյա պատերազմի մասնակցությունը հավաստող փաստաթղթի պատճենը, համապատասխան շահառուի 2020 թվականի 44-օրյա պատերազմի մասնակցությունը հավաստող փաստաթղթի պատճենը, անհրաժեշտության դեպքում փաստը հավաստող այլ փաստաթղթերի պատճենները։
3․Սույն որոշումը ուժի մեջ է մտնում ընդունմանը հաջորդող օրվանից։ |